قصيده اتمنى ان تنال اعجابكم وان تكون خير استهلال لمشواري معكم
ضاع الرجا وتجــدد الياس بالــراس
وتهــــت اتفـــكر ويـــــش ولّـى بحالي
على حبــيبٍ ماخــذٍ كل الأحسـاس
خــــــلٍ دعــاه القلــب وقلبــه دعالــي
افرح اليا من قالـها غالـــي الناس
كلمـــــــة احـــبك يابعــد كــل غــالــي
اهيم بالدنــيا واعــوّد على الــراس
وأقــول هــالــدنــيـا حلاها هنــى لـــي
واليـــوم زال الفرح مع كل الاوناس
صــــارت هـــواجيسٍ مــن أول وتــــالــي
قلبي علــيه من الحــزن ماله قياس
قلـــــبي عليــــــه مـــن الحزن صار بالـي
ويالله يا منشــي جبالٍ بــلا سـاس
يــــامــفــرجٍ لأيـــــوب تفــــرج لــحالـــي
تفــــرج لمنهو بالفكر صار محـتاس
اللـــي مــــع التفــكير دالـــــه وســـــالـي
ويهــل دمعي كــل ما هب نســناس
مــن الجـــنوب أتـــذكــر اللــي مضــى لي
والناس تفــرح لها بأعــياد وأعراس
وأنـــــا أفـــيض الــدمــع بعيــدٍ بـــقالـي
عـــيدالجروح اللي علىالقلب غطّاس
جــــــرحٍ غــزيـرٍ دايــــمٍ مــــا يشــالــي
ياليتنــي طيـــرٍ مــع الجــو قـرناس
عــن مسكــنه واللـــــه مانــي بـــجالـي
ولاّ كــما نجــمٍ مـــــاهــو بـدســاس
نـجـــمٍ يشـــوفـه ســاهـــرين اللــيالـي
نجــمٍ يبــيّن ما خفــى عـندالاجـناس
ليـــــتــه يبيّــن لأجـــلهم مـــا جـــرالـي
ضاع الفكر في ضرب الاخماس بأسداس
ضـــــاع الفــكر يشــرح لـهم ما بــدالي
وجـــف القلــم يكتب ابياتٍ بقــــرطاس
وكــن الورق يبكـي علـى ما صفى لي
صفـــى لي التفكير والهم مع اليـــاس
ودرب الفـــرح مــن عقـبهم ما طــرالي
اليا اجــتمع ربعـــي مانـــي بجـــلاّس
خــوفي بــزود الحكـي قولــة هبالي
خـــوفي مــن الجال يزيد التعوماس
وابــــدي بســـرٍ ما دروبـــه رجــالي
قلـــبي علــيهم كما بــــنٍ بمحـــماس
بــــنٍ بمحــماسٍ علـــى الـنار صــالي
وفكري معهُ ما بين هجسٍ وهــوجاس
امشـــي وقلبــي دالـــــهٍ ما يـــبالي
ولا عـــدت اميـّز حــرٍ ابيض وشريــاس
حــرٍ أصــيلٍ وافــيٍ بالخـصــالــــي
حــرٍ بكفخــه معتـــلي روس الاضــراس
متــعود فـــي صيد صعــب المــنالي
وا قــالو أبشــر قلت أبشر بالافلاس
شفي ومطلوبي (....) هو راس مالـي
قــومه رجــالٍ شفّــهم قطع الانــــفاس
من ضـدهم يذبح ولا بــه شكـــــالي
ولاني بأنا اللي من وطى درب الادناس
والنفس من تجزع يجــــيها جفــــالي
----------------------------------------------------------------
======== اتمنى ان تسمحو لي عدم ضبط كتابتها بالشكل المطلوب لأنني جديد على هالشغله :)
