رد على قصيدة خلف المهيلان اللي رد على قصيدة دغش الدوسري (بآل واجد)
بسم الله الرحمن الرحيم
كيبورديّه
حضرت قبل قليل حين قرأت قصيدة الاخ خلف المهيلان
وكان جزء منها فيه نقد لبعض المشايخ وشيخ حدده هو في القصيده
(قد يكون تعدى النقدى الى الاتهام)
الاسباب ماكانت مقنعه لانهم كانوا يتكلمون عن مدمنين (يعني حالات خاصة)
وكيفيّة معالجتهم من الادمان
ويراجعون المستشفيات للعلاج من الادمان
حالهم حال اللي يبي يقطع الدخان (يقلل الجرعات الا ان يتمكن بعد مرحله من قطع التدخين)
أرجو أن نتردد كثير حين ننتقد المشايخ (والا ننتقدهم بل نسأل ونتأكد ) مالم نكن علماء دين...
واللي يبي ينتقد اصحاب المناصب عاد الله يستر عليه (ماحد بيقوله شي )
القصيده
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
صدى صوتٍ تردد لين ثارت ثورة العقال=ابا اقرى بس شاقرى كني اقرى قروه مطمّه
قريت اشباه بعض الفلسفه من فلسفة اهمال=عرب تكفون خلوكم بعيد ان صارت اللمّه
اذا حنا كذا او صار هذا واقعٍ بالحال=اجل معذور ياللي فار فيه من الزعل دمّه
صحيح ان الزمن قصّر ولا حقق لنا الامال=ولكنن وين فينا ربع عزم الدين والهمه
اذا تب تنتقد عالم تبي عنك الحكي ينقال=مثقف عالم بدينه وشاعر يعني القمّه
وحنّا لوتثقفنا بعد نبقى ترى جهّال=جهلنا ديننا والدين واجب حفضه ولمّه
واذا واحد يبي نقد المشايخ يستدل ادلال=مهو بس نقد (لان النقد هو الغايه) وهمّه
نبي توضيح للاسباب واللي قيل واللي قال=مفصل (دون اخطاء الكتابه) عالي الذمّه
ابقرى للمسبب والسبب وازيّن الفنجال=وامخمخ وأجهر الفتحه من الكسره من الضمّه
وابقرى من نقد هالقول واعرف منهو الرجال=ابعرف شاصله وفصله ومنهو خاله وعمّه
واذا دينه قوي..أو يستجيب اللي غواه البال=واذا انه حافض القران بالتفسير ويصمّه
لان الدين ماهو ملعبه أو معرض لدلاّل=قصرٍ شامخ الله رافعه ماغيره يرمّه
واصل الدين يسر وكل حاله حلّها في حال=لان الدين رحمه من كرم ربي على الامه
ليتك تنتقد راعي المناصب سارق الاموال=هذاك اللي خذى حق البشر يعطيه ويرمّه
وانا ماسمع كلام اللي عليه الوقت لامن مال=ضعف حيله يبي رد البلا ع الوقت والنمّه
قسم بالله ماهي لي وانا اسمي شايل مثقال=مآهي لي وانا مثقال دمي شايلٍ بدمّه
[/poem]
