(( يا زماني و ادري الرحله طويله )) .. بس ..(( ما هي فارقه ))..
السلام .. بخير ِ ما يُبدأ ُ به ِ الكلام ْ .. و رحمة ُ الله ِ و بركاته ْ
مساؤكم / صباحكم ْ ... خيال ٌ خصب ْ ...
كثيرا ً ما يشبـّـه الناس الهم و الضيق بالامور السيئه .
. و هذا شيء غير مستغرب
و لكن ربما كان الهم و الضيق اشبه بالاشياء اليوميه الجميله في حياتي
.
. ليس وجه الشبه في الجمال
و لكن في الحصول
[poem=font="Simplified Arabic,5,darkred,bold,normal" bkcolor="white" bkimage="" border="none,4,gray" type=3 line=0 align=center use=ex num="0,black"]
شمس همـّـي شارقه من دونها مزن الفرَح = مزن ْ فرحي راح .. و شمسي كل صبح ٍ شارقه
..=..
شق ّ نور الهم .. ظل ّ الغيم .. فيني و انجرَح = و ذاب هتـّـان الغيوم .. ادموع وَسْم ٍ حارقه
..=..
جَرْهَدْ البيْد الخدود.. و كل ما زاد الترَح = تنبت اورود الحسايف .. و الثواني سارقه
..=..
لو يشح ّ الغيث مت ّ .. و لا امطرت عمري طرَح = بذر الطعون اللي ( هـِنا ) وسط القوافي غارقه
..=..
اشكرك من كل قلبي .. يا زمان ٍ ما برَح = شبر ْ واحد في سماي .. الا محدّر بارقه
..=..
و يالله انك ترحم اللي .. كل ما كنـّـه سرَح = جاه " ديـّـان الحظوظ " لكل باب ٍ طارقه
..=..
روووح يالله يا قصيدي / دام صدري مانشرَح = ضحك و الا دمع ْ .؟ / ياخي روووح .. ماهي فارقه[/poem]
يا زمن ْ ..
يا زمن خذ ما بدا لك
دام للفرحه ثمن ْ .. خذ ما تريد و ما صفا لك
رووووح
و الدنيا حلالك ... و اترك الضيقه لِمن ْ .. قال : انا شخص ٍ طــَموح ْ
و غرّته كثر الاماني ْ ... و ما لقى بالوقت روح ْ ..
و راااح يمشي يحسب إن الدرب .. دووح
ما درى إن الليل .. حالك ْ ... يا حبيبي كيف حالك ..؟
لســّى في بالك طموح ..؟
لو ما انحنيت .. ؟ الوقت والله لو بتقفي ْ ..! ما انحنا لك
شفني امشي للجروح ...
و اتبع احلامي .. كَمن ْ .. أيقن ْ انـّـه صار هالك ْ ...
و عاف حلمه و الطموح ْ ..
لا متى و حنـّـا نردّد
لا متى و حنـّا نردّد
لا متى .. قل يا زمن ْ
[poem=font="Simplified Arabic,5,darkred,bold,normal" bkcolor="burlywood" bkimage="" border="none,4,gray" type=3 line=0 align=center use=ex num="0,black"]
يا زماني وقـّـف اصبر لي معك وقفه طويله = و لو تكرّم يا زماني عطني من وقتك ثواني
..=..
يعني يوم اني قنوع ٍ غايتي حاجه قليله = تذبح الحلم فبرود و تقبره وسط المحاني ؟
..=..
اطرد الياس و تجيبه ..؟ و ارسم الحلم و تزيله .؟= و الامل ويـّـا السعاده .؟ و الهنا ويـّـا الاماني
..=..
و الفرح و الذكريات .. اللي على خبري جميله = ياخي خذهم كل ابوهم . و اترك الباقي عشاني
..=..
لا سرقت احلام غيري و لا خذيت الحب حيله = ولو تدقق " فالمَعاني " ترحم بحال " المُعاني "
..=..
الامل جاب الالم و الحلم حمل ٍ ما نشيله = و الهنا اصبح عنا وش باقي اخسر يا زماني ؟
..=..
يا زمن و انت الذي شتمك .. حرام و ما ابي له = و الا لنـّـي ماقدر اشتم صرت متغطرس و اناني
..=..
عشت عمري في عفاف و غيري يلعب بالرذيله = تترك الجاني طليق .. و تقلب المظلوم .. جاني
..=..
ما نهيت النفس خوف و لا تردّد او فشيله = بس عندي قلب ْ ... ياخي مستعيف و ما يداني ..
..=..
آآه وينك يالمواني .. تااه بحرك مع دليله = ضعت يالقلب المسالم .. آآه وينك يالمواني
..=..
لا متى و الهم غيم ٍ ماطر ٍ .. لو ما استخيله = لا متى و الجرح بير ٍ يجذب احبال السواني
..=..
قمت لحظه عن مكاني .. بشتري صبر ْ و اجي له = جيت راجع ما لقيت الا .. العنا جالس مكاني
..=..
لا الصبر ينفع معااك و لا الرجاوي فيك حيله = و ان بغيت ابيع همـّـي . حن ّ .. همي و اشتراني
..=..
ليت هم القلب يجلي لو تعزويت بقبيله = كم شمري ٍ لو نخيته جاك متفرعن و " طاني ْ "
..=..
ياااه يا سرع الضياع .. و ياااه يا نفس ٍ ثقيله = و ياااه يا كبر البلا لو صد ّ مجدول العناني
..=..
رُبّما الأيام ُ مَمّا حل ّ يا قلبي ْ كفيله ْ .. = .. انـّـها تُعطي ْ .. لسوء ِ الحظ ْ من حُسن ِ البياني ْ
..=..
مدري ايامي بخيله و الا اقداري بخيله = لا دعيت الزين راح و لا طلبت الشين جاني
..=..
اففف يا ليل العنا . يا ليل قلّي من انت ليله = اسود ٍ وجهك عليـّـه ليتك ابيض ياسمراني
..=..
ليتك ابيض من جريد ٍ ميـّـت بقاعة نخيله = و ليتك ألين ْ ,, من رطب ْ مستوطن اصدور الغواني
..=..
علمتني دنيتي ان الشعر اصدق وسيله = مثل ما للدمع بعيوني تعابير و معاني
..=..
و الخيال ان طش ّ و اعلن للصحاري عن هميله = تنبت افكار القصايد .. سدر ٍ اخضر و احمراني
..=..
يا غصون السدر طلـّـي و ارحمي ذيك الفسيله = اللي نبـّـشها الحمام و كاهل البرد ْ اعتراني
..=..
سج ّ بالي بهالحمام و قمت اهوجس مع هديله = قلت لو عندي جناحه كيف ابرضا بالطماني
..=..
رفـّـي فرعك للحمامه .. علـّـها ترحل ذليله = و ادن ْ بظلالك عليـّـه يا غصن .. عل ّ و عساني
..=..
انثر اجروحي على كف التراب و اشتكي له = و اساله عن هالجفاف اللي غمرني و ما سقاني
..=..
و اساله عني و عن طفل ٍ تلاقى مع رحيله = الا قبل انسى على طاري الجفاف و ما عطاني
..=..
شوف ذااك الطفل يضحك في برااءه .. ياا حليييله = وش جرا به يا زماني ووش بلاه ووش بلاني
..=..
وش بقا له بالحياه .. الا كفاحه مع عويله = و انتظاره للجفاف اللي احتواه و احتواني
..=..
وشوف ذاك الطفل يدمع .. و ان بكا ..؟ يا ويل وييله = و صااح و غص ّ الريقْ ...ما .. ما .. وانفجر دمع و بكاني
..=..
مدري يبغى .. ماء .. و الا .. أم .. تحضنه و تشيله = قلت انا مثلك بعد و اللي خذا فرحك خذاني
..=..
مع كل " سنتيمتر" يطول بجسم ٍ اضلاعه هزيله = مات مع " هالصانتي " حلم و امل عمر و اماني
..=..
حتى ذييييك الذكريات اللي على خبرك قتيله = رااح باحلا الذكريات و تارك اشينها عشاني
..=..
يا زماني رح .. توكّل .. و ادري الرحله طويله = و ادري ان الوقت يمشي .. و ادري انه ماحتراني
..=..
و البَخت لو شح ّ و قرّر يرتكي لي .. برتكي له = و ان حصل لي ألتقي به .. جيت له و العلم ثاني
..=..
خلني اشفي غليلي ... و اتركه يشفي غليله .. = .. يا يزين الحال ..؟ و الا العمر لو هو طال فاني [/poem]
دمتم ْ سالمين ْ ..
وعليكم السلام ورحمة الله وبركاته
[align=center]
اقتباس:
اشكرك من كـل قلبـي .. يـا زمـان ٍ مـا بـرَح
شبـر ْ واحـد فـي سمـاي .. الا محـدّر بارقـه
..
..
و يالله انك ترحم اللـي .. كـل مـا كنّـه سـرَح
جـاه " ديّـان الحظـوظ " لكـل بـاب ٍ طـارقـه
..
..
روووح يالله يا قصيـدي / دام صـدري مانشـرَح
ضحك و الا دمع ْ .؟ / ياخي روووح .. ماهي فارقه
واشكرك من كـل قلبـي يالأسلمي
دام جمالك وصح الله قلبك[/align]
