كذا الصح ولا بلاااااااش ...!!!
rooose2 مـــــرحـــــبـــــــا rooose2
جايبتن لكم اليوم موضوع عن أخطاء (الشبيبة) ،، وكيفية تصحيحه ،،
هذا من وجهة نظر كاتبه ،، اللي على ساس إنه صحيحة !!!
ونبدأ بأول خطأ :
عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...
الصحيح :
تمسكوه مع ثيابوه ... وتصكوه بالجدار .. وترفسه مع بطنه ..
وحبذا تنهيه بركبة وإلا كوع ...
ثم ..
تقوله شيل الكتب .. ومرة ثانية فتح عيونك يالوح هههههههههههههه
خطأ :
تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...
الصحيح :
[]تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ...
ثم ..
قله مرة ثانية تصير الاشارة خضراء .. تصير حمراء .. تصير زرقاء ... تنثبر وتسكت ..
خطأ :
تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...
الصحيح :
انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي
وبعدين
تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..
ثم ..
قبل لاتطلع تقوله لاصارت جامعة ابوك اطرد الطلبه ..
خطأ :
جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم
صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ...
هههههه الله يرجك والله لارد لك المقلب ..
الصحيح :
تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ...
ثم تفتحه بوجهه ... ثم .. تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح
لك عشان خاطر الموجودين .. والا تدري !! ...
ثم عفط العلبه... وحطّه بجيبوه ... وقله لاتطلعه من جيبك الا اذا رحنا ...
خطأ :
تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم ..
أنت بس ارتاح ...
وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك
والله ماعمري أحلق عنده ...
الصحيح :
تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..
ثم ..
قل بينك وبين نفسك ... ماعمري أحلّق عنده ...
خطأ :
تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم
تلعن الشيطان وتعوذ من إبليس ... وتكمل دربك .. تقول بزر ماعليه شرهه ...
الصحيح :
تاخذ لك بلكّه ... وترميها عليه ... إن ضربته ... فهو خير ونعمة
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...
خطأ:
ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي
فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم ... ترى سويتوا ازعاج وانا بنام ... ثم
ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..
الصحيح :
اول شي تروح تدور إدرام بالبيت وبعدين تروح وتصعدله ولا تدق الباب ولا الجرس اضرب الباب
بالدرام لين يفتح لفتح تفرط علي كبد ابوه الكبد وتحط الدريل براسه وتخ******** براسه لحد
تصيرالفتحات بجنب بعض ...
خطأ :
متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله
ليش ياخي ماتشوفني متابع؟؟
الصحيح :
صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ...
وحط فيلمك ... وتابعه بصدر رحب ...
خطأ:
تكتب بعد نهاية اي موضوع تكتبه في منتدى على النت: ان شاء الله ما طولت عليكم وتجلس
اتأسف وكأنك مسوي جريمه
الصحيح :
المفروض تكتب اقرأو وانتم ساكتين واذا طولت موضوعي وكيفي والي مو عاجبه لا يقرأ
ودمتم بخير .... إختكم البــيــــداء roooose
