لا اقبل سواد الليل جاب الهواجيس
[poem=font=",4,white,normal,normal" bkcolor="transparent" bkimage="" border="none,3,blue" type=0 line=0 align=center use=ex num="0,black""]
لا اقبل سواد الليل جاب الهواجيس=تحرك براسي عن النـوم هوجـاس
تسهر عيوني كـن فيهـا دبابيـس=والقلب يقرع بين منحـي الاقـواس
يقرع قريع الشن وعروقـه يبيـس=يدن صندوقـه مثـل دن الاجـراس
تاخذبه هجوس الليالـي مراويـس=لا ذعذع الغربي بذعـذاع نسنـاس
جدد جـروح مبطياتـن مراميـس=اللي زرعهن في خفا صدري الياس
عليك يـا راع العيـون النواعيـس=سودن هدبها كن في طرفه نعـاس
والعنق عنق اللي ربت فالطعاميـس=تذيرت سمعتلها اصـوات واونـاس
تجفل ليا هبت هبـوب النسانيـس=ماترتع الا في عثاميـر الاطعـاس
ضامر حشا والجسم يشكي الملابيس=حبه بنا في القلب بنين على سـاس
ياسوق قلبي سوق هجنن حراسيس=عقب الشحم مثل العياسيب يبـاس
عليهن اللـي يكسبـون النواميـس=ماخافوا الا من رجوعن بالافـلاس
[/poem]
