قصيده للشاعر رحيل الوهبي بوفاه والدنا الشيخ العلامه عبد الله أبن جبرين رحمه الله
لايافقيد الـدين واللي على الدين
ياسيفنا الــلي ضـربتك توجع أعداك
لا يـاعميد أهل اللـحى والـمـصلين
يــاواقـف ضـد الـبدع وأهـل الأشراك
الأرض تـبـكي يـافــقـيد الـملايين
تبكـيك يـوم أنا علـيهـا فـقــدنـاك
يالعالم الـلي سيرتك بـيـن قـوسين
الـلـين والحـكمه وعـرفك وألادراك
ســماحتك عفــوك تواضـعك لاوين
دعوة جنابك حنكتك طيب مجناك
ياشيخنا الله يرحمك والله يعـــين
من لا عرف وش قيمتك كيف ينعاك
نحسبك حسبه من هم اللي موالين
ولدين لـك وقــفــه تــشرف محـياك
ولدين لك موقـــف يهــز السلاطين
ولـك بالكرم وقـفـه توفيك يمــناك
أن مات أبن جبرين يحيا الف جبرين
طـــلابك اللــي مثلك وزي شرواك
مامــت ياســيف الزمــن والبراهين
لا يــادليل الـعـرف والعـلم لـــولاك
ماتبكي العــالم وتـنـد لك الــعــين
ولا طاحت الدمعه على كف من جاك
ولا كتبتك بين ماشـــفتــه وبـين
نزف الكلام اللي وقف لك وحياك
وش لـون ميت وأنت بقلوب حـيين
ولــيا فقدنا شوفتك حــي طرياك
اليوم من سبعه بتـاريخ عــشرين
ضاع الشعور الي فقد حس الادراك
يوم أن يعزوني بوفــاه أبن جـــبرين
الــقـــلب كنه واحد من ضحــايك
مـن موقـف مـاينسى لأمـه الــدين
في مــوتـتـه نـبكي وتـبكـيه الأفلاك
