سعود و مي ومايا وميسون؟

[poet font="Traditional Arabic,14,black,bold ,normal" bkcolor="sandybrown" bkimage="http://shammar.org/vb//backgrounds/27.gif" border="double,4,gray" type=0 line=200% align=center use=sp char="" num="0,black"]
ياسعود دن العود والطار دفه=دامه تثنى مي ومايا وميسون
غزلان يمشن في ميال وخفه=يخلن ضعيف القلب بالغي مفتون
غثا السياسه إلفظه ثم تفه=مالك ومال اخبار ياسر وشارون
ياسعود إنتم صف وانا بصفه=ولاظنتي يا سعود لهمي تشيلون
إنتم لياليكم عروس تزفه=وكاس يخلي صاحي العقل مجنون
وانا مع اللي دمعته ما تكفه=باكناف معراج النبي كان تدرون
الله واكبر شف يهودي يدفه=ومن الحزن يا سعود تمشي على هون
راح الولد.والزوج قطع شقفه=ولاعادله ناس وربع يواسون
قرد وخنزير لطمها بكفه=والناس صم بكم هي ماله عيون؟
الله امر يا سعود ناقف بصفه=وملعون ابو شارون ملعون ملعون
يا سعود تر دنياك جال ومهفه=وخطر تميل وثم يا سعود تقعون
دنيا لها بالوقت دوره ولفه=لو تضحكون اليوم يا سعود تبكون

[/poet]

صح لسانك


واعتقد انك جبتها قبل هاالمره يالغالي


وموجوده بالمضايف


تحت عنوان ياسعود


:D :D :D الظاهر انك مضيع


اخوك000 فيصل اللويش

يا فيصل...يا فيصل.

ماعندي الا هي..ماعندي غيره ...وارجوك ان مرت عليك مرةأخرى. لا تعلق عليها لو انك المراقب.

أقبل أجمل تحية.
وأعذب سلام.
وأعظم تقدير.
مني لشخصكم الكريم

أخـــوك/ ســــــنار