مـا كـل ضحكـه تهـزّ القلـب يشبعهـا
مـا كـل ضحكـه تهـزّ القلـب يشبعهـا
ومـا كـل دمعـه تمـرّ العيـــن تبكيـهـا
من شاف ضحكة زماني قـال بايعهـا"
ما يدري انـي فقيـرٍ مـا اقـدر اشريهـا
يا اللـي نثرتـي سنيـــنٍ كنـت اجمّعهـا
تكفيـن هــــذي حصـاد العـمـر لمّيـهـا
كـم كنـت اهـدّد بـك الدنيـا والـــوّعهـا
كـل مـا اذكرتني..واذكّـرهـا وانسّيـهـا
بيدينـك اللـي احــس وكـن اصـــابعـهـا
تقـول بـدري علـى الضيقـه وطــاريهـا
بعيــونـك اللـي اناديــهـا وانــا معـهـــا
اللّـه يـــاكـم زعــلـتـــي يــوم اناديـهــا
كنتـي تحسبينـي اسـرح عـن مدامعهـا
وانـا مـا غيـــر اتهجّـى رحلتـي فــيهـا
اي واللّـه اذكــر عيونـك يـوم اطالعهـا
اقــــرا بـهـــا انـشـــــودةٍ كـنّـا نغنيـهـا
كــانـت تـــروح وتهـجّ البـال واتبعـهـا
تاخــذ عيــونـي مـن الحـزن وتودّيـهـا
لايـام كنـت ارمـي بـــدنيـاي واجدعهـا
أيام مـا .. كنـت اكحّلهـا.. ولا اعميهـا
طفـلٍ سلاحـه دمــوعـه يـــوم يزرعهـا
مــن فـــوق خـدّه وكـفّ ابـوه يرضيهـا
اكبـر همــومـه مـن دروسٍ يــراجعـهـا
واقصى طموحـه متـى ينجـح ويرميهـا
طفـــلٍ وكـل امنيـــاتـه كــان مـطمعـهـا
يكبـر وتكبـــر هنــوفٍ كـان يــرجيـهــا
كبَرْت وكبْرَت.وضعت..وخفت اضيّعها
خلّيـت همّـي رضـاهـــا يـــوم اداريـهـا
كـل مـــا طعنّـي زمــانـي رحـت ادلّعهـا
يوم الــزمن مـا تـرك لـي غيـر اياديهـا
ما كنت افكّر تجـي فـي يــوم واسمعهـا
تقلـب حيــاتـي مـن اعــلاهــا لواطيـهـا
حتـى اقبلـت تبكــي الــدمعـه وتردعهـا
ثـم قالت..وكـن مـوتـي بيـن اشــــافيهـا:
"
جيتـك أحلّـف عيـــونـك قبـــل اودّعــهـا
ما اشـــــوف دمعـة عتبهـا ليـن اخلّيهـا"
تبغـــــى تـــروح وتخليـنـي واطاوعـهـا
تبغانـــي اسكت واقـول : "اللّـه يهْديهـا!!"
يــــا أول احــلام روحٍ كــان دافـــعـهـــا
انـك سندهـا وحـــاضـرهـــا وما ضيـهـا
يا سنيني اللـي قضيـت العمـر اجمّعهــا
يـا ذكـــرياتــــي مــن اولـهـا لتـــاليـهـا
لا تتـــركينــي اعـيـش العـمـــر بايعـهـا
ضحكة زماني بدونك مـا اقـدر اشريهـا
