-
منصور بن رمال
ياهم ياللي في خفا خافقـي طلـت
ارحل ترى (منصور) قرّب رحيلـه
ياهم جاني مـا كفانـي وحصًلـت
حالي قضى وعظام جسمي نحيلـه
ياهم انا اخفيتك بصدري ولا زلـت
أخفيك خوف اهل النفوس العليلـه
اخاف قول اللي يقولون لـو قلـت
اللي سوالفهم عـراض و طويلـه
لو حملوا سلمى مثل مـا تحملـت
صاحت لـاجا من جور حمل تشيله
لو أن سنجار الجبل شال ما شلـت
مبطي شكى ضيم الحمول الثقيلـه
اصبر ولو شفت الزمن مال ما ملت
واقول يمكن يعتـدل عقـب ميلـه
-
االله يعطيح العافيه ع لابيات صح السان كاتبه وسلمت آنامل نااقلها
تقبل مروري وحترامي
كبرياء انثى
-
اصبر ولو شفت الزمن مال ما ملت
واقول يمكن يعتـدل عقـب ميلـه
الله يرحم الشاعر منصور
ويبقيك يابو زياد
لاهنت على النقل المميز
-
تسلمين اختي كبرياء
اسعدني مرورك العطر
لاهنتي
لك تحياتي
-
وراسك الباقي اخوي ابو نوره
اسعدني الكريم
لاهنت
لك تحياتي
