صفحة 1 من 4 1 2 3 4 الأخيرةالأخيرة
النتائج 1 إلى 10 من 35

الموضوع: ▌ ▒ الشاعر الراحل°••°ے طلال الرشيد ▌ ▒

  1. #1

    ورده1 ▌ ▒ الشاعر الراحل°••°ے طلال الرشيد ▌ ▒



    الأمير الفارس الشاعر طلال الرشيد رحمه الله
    اسمه // طلال بن عبدالعزيز بن سعود بن عبدالعزيز الرشيد الجعفري العبدي الشمري
    نسبه//طلال بن عبدالعزيز بن سعود بن عبدالعزيز بن متعب بن عبدالله بن علي بن رشيد بن حمد بن خضير بن خليل بن جاسر بن علي بن عطيّه .. ينتسبون
    إلى الجعفر من عبده من شمّر .
    اعمامه
    لأمير مشعل بن سعود بن عبد العزيز الرشيد ولد عام 1331هـ .
    2- الأمير محمد بن سعود بن عبدالعزيز وقد إستقر وأبناءه بجده حتى توفي فيها.
    3- الأمير سعود بن سعود بن عبدالعزيز وقد ولد بعد وفاة والده وتوفي عام 1417هـ
    بالرياض أي قبل سبع سنوات تقريبا . وله من الأبناء ( نزار ) ( مهند ) .
    خواله
    1- ممدوح بن بندر سعود السبهان . رحمه الله ..
    2- فهد بن بندر سعود السبهان . حفظه الله ويستقر بحائل.
    3_ سعود بن بندر سعود السبهان
    4- مشعل بن بندر سعود السبهان . وهو كان مرافقا للمغفور له
    بإذن الله في رحلة المقناص وأصيب بطلق ناري ..
    والدتـــه :هي عموشه بنت بندر سعود السبهان . حفظها الله .
    - جدة الامير طلال - هي الاميره لولوه الصالح السبهان 00
    اضافه للمهتمين :
    1-الامير مشعل السعود العبد العزيز الرشيد مواليد 1331هـ امه هي الاميره فهدة بنت العاصي الشريم
    اما وفاته وحسب المعلومات انها في حدود عام 1350 هـ
    2- الامير عبد العزيز السعود العبد العزيز الرشيد من مواليد 1333هـ امه كما ذكرت اعلاه هي الاميره لولوه الصالح السبهان
    اما وفاته فقد توفي قبل 40 سنه في العراق 00
    3- الامير محمد السعود العبد العزيز الرشيد امه هي الاميره شاهه الوجعان ( توفي رحمه الله عام 1389 هـ).
    4- الامير سعود السعود العبد العزيز الرشيد ولد عام 1338هـ وامه هي الاميره العنود السالم الرشيد اما عن وفاته كانت عام 1413 هـ
    عندما توفي الامير سعود العبدالعزيز المتعب الرشيد(( ابوخشم))
    تزوج الملك عبدالعزيز من الاميره فهده بنت عاصي الشريم
    وهي والدة الامير مشعل السعود الرشيد
    واخر زوجات الامير سعود العبدلعزيز المتعب الرشيد (( ابو خشم))
    انجبت الاميره فهده من الملك عبدالعزيز طيب الله ثراه
    خادم الحرمين الشريفين الملك عبدالله بن عبدالعزيز
    والاميره صيته بنت عبدالعزيز
    والاميره نوف بنت عبدالعزيز
    فاصبحوا اخوان من الأم للامير مشعل السعود الرشيد
    والامير مشعل لم يرزق بأبناء
    رزق بالاميره بنيه بنت مشعل السعود الرشيد
    والاميره نوره المشعل السعود الرشيد
    والاميره منيره المشعل السعود الرشيد
    الاميره منيره المشعل السعود الرشيد تزوجت من صاحب السمو الملكي
    الامير سلطان بن عبدالعزيز وزير الدفاع والطيران
    وانجبت منه الاميره نوره بنت سلطان ابن عبدالعزيز
    والاميره منيره بنت سلطان ابن عبدالعزيز
    وتوفيت حالما انجبت ابنتها منيره
    ولهذا اسموها باسم والدتها الاميره منيره المشعل السعود الرشيد
    تزوجت الاميره منيره بنت سلطان بن عبدالعزيز
    من الامير فيصل بن فهد بن عبدالعزيز رحمه الله
    وانجبت له الامير نواف بن فيصل بن فهد
    والامير خالد بن فيصل بن فهد
    واربع بنات 00 ولم يتزوج بغيرها الى ان توفي رحمه الله
    سيرتة
    عام 1382هجرية 1962 ميلادية ولد طلال في أم
    الربيع في مدينة الحدباء الموصول إحدى المدن العراقية
    حيث كان والده يقيم هناك ,, نشأ يتيما توفي والدة وهو في سنواته الأولى
    من عمرة , ثم عادت عائلته إلى المملكة العربية السعودية لتقيم في جدة
    وفي مدينة جدة بدأ دراسته في مدرسة ( ابي بكر الصديق ) بحي الرويس مع أخويه زامل وعبدالعزيز ..
    وكان رحمة الله متفوقا دراسيا , وأنهى المرحلة الثانوية في جدة ,, ثم انتقلت عائلته الى الرياض فأكمل دراسته
    بكلية العلوم الادارية وبعد تخرجة من الجامعة واصل دراسته في الولايات المتحدة الأمريكية ,, وفي عام
    1987م تزوج ام نواف بنت الشيخ النعيمي ورزق منها بولدين وهما نواف وعبدالعزيز
    وفي بداية التسعينات أسس الأمسية الأسبوعية في بيته , والتي كان يرتادها أبرز الشعراء الموجودين في الساحة الشعرية
    وفي عام 1994م أسس حلمة الجميل مجلة فواصل
    وفي عام 2003 أسس مع سمو الأمير سلطان بن محمد بن سعود مجلة البواسل التي تعني بالتراث عامه
    والإبل والخيل والطيور والصيد بشكل خاص كما أسس مع الدكتور طارق السويدان مجلة إبداع
    كما كانت له الكثير من الطموحات الإعلامية فقد فكر في إصدار جريدة رياضيه وقناة تلفزيونية تهتم بالشعر والثراث
    أحيا العديد من الأمسيات الشعرية
    أمسية الجنادرية ,, أمسية الكويت ,, أمسية دبي ,, أمسية البحرين الأولى ,, أمسية البحرين الثانية , أمسية حائل أمسية الطائف ,,
    أمسية الشارقة
    وكتب أوبريت دورة الخليج
    كما دعي إلى الكثير من المهرجانات والتظاهرات الثقافية العربية كمهرجان جرش وأمسية قطر
    وفاته
    انتقل إلى رحمة الله تعالى الشاعر طلال العبدالعزيز الرشيد إثر طلق ناري في الجزائر أثناء رحلة صيد كان يقوم بها مع
    مجموعة من رفاقه وبصحبته ابنه نواف .
    وأصيب في الحادث اثنان من رفاقه بطلق ناري أحدهما إصابته في منطقة الكتف، وذكر سائق السيارة التي كانت تقلهم
    بعد الإصابة أن "الملتاع" نطق بالشهادة على كتفه بعدما نهض ثم سقط مرة أخرى وكان ذلك في جبل أبو كحيل الموافق 3-10- 1424 هـ






















    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  2. #2



    صديق الطفوله ,,





    صديق الطفولة وش جـرى لـك مـع الأيـام
    هـي أنصفـت دنيـاك والا أنـت بـك مثلـي
    فقدنـا ملامحـنـا مـثـل سـايـر الأنــام
    عبـث بنـا جـور الزمـن والزمـن يبـلـي
    وقفنـا جميـع وبيننـا حـاجـز الأعــوام
    صعيب ٍ وصولي لك.. ويا صعب لـك وصلـي
    وأنا اشوف في وجهك طريـق غشـاه عتـام
    وذاك النخـل واشــوف دارك ودار أهـلـي
    وسدره.. هي أكرم مـن أهـل بيتهـا اللـوام
    وفي وجهك أصحابي.. عصى مدرسي.. وفصلي
    وعـود ٍ كبيـر ودايــم ٍ فالـظـلال يـنـام
    فـي ذكرياتـي لـه بعـد ملـمـح وجـلـي
    وسـور كتبنـا فيـه ذكـرى عبـث وأوهـام
    ولـي فـي عيونـك صـورة زانهـا جهلـي
    بثـوب تبلّـل بالمطـر والـتـراب وشــام
    وأنا حب أسير الْعَـب وهـي حافيـه رجلـي
    أنا وانت طفل وطفـل دايـم رضـى وخصـام
    بكانـا سهـل والضحكـة أمـرٍ بعـد سهلـي
    دعانـي بوجهـك نـاده ٍ يـنـده الأحــلام
    معه رمح مدري هو علي غاضـب.. أو لجلـي
    أنا كيف أباصـل والأمـل خلـف مـو قـدام
    كثير الأسـى والسِّهـد يـا مـن فعـل فعلـي



    موت الإحـســاس ,,



    قالت نصيب وقلت يومـك تبينـي
    غصب على الدنيا ... يدك في يديني
    لا تظلمين الوقت وش ذنب الايـام
    لو اقبـل اعـذارك يعيـي حنينـي
    غديت ما بين الرجا .. فيك والياس
    هذا .. يبي مني وهـذا .. يبينـي
    ان قلت شنت وخاطري طاب كذاب
    وان قلت ابيك ارخصت نفسي بعيني
    خيرني امري بين اصعب خياريـن
    موتي انا او موت الاحساس فينـي






    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  3. #3



    لحن بدو ,,



    حنـا ولا مـن قلـت حنـا تحنـا
    كل الكلام بعطـر تاريـخ الاجـداد
    المجـد هـم وهـام فينـا وغنـا
    حتى علينا من على روس الاشهـاد
    يا كبـر حـظ الـي نخانـا و ثنـا
    نشد له فوق الفخر سـرج وشـداد
    ان هلل التاريـخ غطـرف وطنـا
    وان سولفو عنا رجاجيـل واجـواد
    وان بان لك شمس ترى ذيك حنـا
    نشرق مدام الظلم ظلمـا وحسـاد
    يا بنت يمـي كـان رمشـك تمنـا
    اشق لك ثوب السماء جود وعنـاد
    واشدلـك زمـلً جـفـن المعـنـا
    واسري بوجهك لاغشى وجهي سهاد
    يا حلـو قـدك يـوم قـدك تثنـا
    محدا تغنى فيك من خوف الالحـاد
    حنـا البـدو يابنـت هـذا لحنـا
    نحبك اكثر لاغـدى حبـك جهـاد
    وحنا البدو يا بنـت لامـن نخنـا
    بناتنـا يثالـث العيـد الاعـيـاد
    وحنا البدو يابنت وان قلـت حنـا
    فاح الكلام بعطـر تاريـخ الاجـداد


    ميت وأنا حي ,,



    بيني و بينك عرفت المـوت
    تحـب و الـحـظ متجـنـي
    تبي الصدق حبهـا منحـوت
    و أصبحت منها و هي منـي
    أفرشلهـا القلـب بالياقـوت
    و أقـول يـا دلـي إتمنّـي
    صدري قصور و مدن و بيوت
    و هي المليك اللي يحكمنـي
    يا ويل ويلي عليهـا صـوت
    تحكـي تقـل كنهـا تغنـي
    و سكوتها غير كـل سكـوت
    كـل شـي فيهـا يكلمـنـي
    قد شفت شمس زرعوها توت
    بشفاتهـا التـوت متثـنـي
    يا حلوها و القلـم مبهـوت
    وش يكتب بوصفهـا عنـي
    هي دنيتي و الهوى و القوت
    و إن غبت عن وجهها كنـي
    متغـرب و غربتـي تابـوت
    ميـت و أنـا حـي مستنـي
    قولو لها لو يفـوت الفـوت
    هو ينفـع الصـوت متعنـي
    و قولو لهـا و الله إلا مـوت
    لو خاب فـي حبهـا ظنـي



    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  4. #4



    إن حكت



    ان حكت غار السكوت من الحكي
    وان بكت يحسد مدامعها الغرور
    كنها والشمس خصم ومشتكـي
    وبين ذيك وذيك عذبت السطـور
    الثرى يـا مايسـه مغروركـي
    ومن يلومه ما يعرف سر الغرور
    والجمال امرايته فـي وجهكـي
    والبها له في جفن عينك فتـور
    الحلا يـا حلوتـي شبّـه بكـي
    منهكٍ حرفي ويشكي به قصـور
    والحروف اتهني احروف اسمكي
    والاريج اختال في عرس العطور
    يا غريره ياغـرورى مسلكـي
    تهت والا تاه عن كفي العثـور
    في طريقي ضاعت الخطوه لكي
    ماتميز بين نـار وبيـن نـور





    حكاية شمس



    كنـك مـلاك وطلـع تــوه
    الله وش كـثـر مـحـلـوه
    ماعـاد بـه غيـرك حكايـه
    جيتـي وكـل تـرك جــوه
    الليل لـف ولمسهـا لمـس
    بعيونك اغرب حكاية شمـس
    وانتي الـى الحيـن نسايـه
    ضيعت باكر عشانـك امـس
    دايـم اقـرب وهـو يبـعـد
    وفي شفتـك للشفـق موعـد
    ويحـط لاحزانـي نهـايـة
    من غيرك اللي قـدر يسعـد
    ياللـي تحليـن اي لـبـاس
    يغار مـن جيـدك الالمـاس
    حـرام تعـذيـب وكفـايـه
    حني على الناس ياحلى الناس
    والشمس تحضـر بميعـادك
    مـن يقـدر يلـوم حسـادك
    تغازلـك حـتـى المـرايـه
    (( .... )) ياشمس والنـاس
    بيضا وفيها سمـار الحـور
    سمرا وفيها بيـاض النـور
    مالـه بـدايـه ولا نهـايـة
    من مثلك اللي جمالـه جـور
    والكامـل بحـق وجــه الله
    ياحلـوتـي كـامـلـه والله
    ياللـي لكـل البشـر ايــه
    من يشبهـك حلـوة الطلـه



    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  5. #5



    مريض اللي فقد "سلطان"
    بشدّ لمشرق الشمـس .. و بعلّـق فوقهـا ديـوان
    أمانه لا وصلتي مغرب الشمس .. انثـري قافـي
    أنا بلسان نجد أرسل .. قصيدة شوق .. من ولهان
    على زهور النفل ريح الخزامى .. تنّـده الغافـي
    تنهّد بالقصيد طويـق .. سالـت دمعـة الصمـان
    من أنفاس القصيدة .. انصرم طلع النخـل صافـي
    نختني للقصيد أرضٍ .. من الوادي .. إلى بابـان
    ثراها يشربك حـبٍ .. و لا يـرواك يـا وافـي
    ألا يا شيخنـا حبـك .. علـيّ الله مـن الإيمـان
    ما دام انت الوطن و الدار .. ستر العاري الحافـي
    غلاك اللي شرب كل الجوارح .. لين صار احسان
    غديت من الغلا ملجأ .. لمن حبـك معـه خافـي
    لنابك هيبةٍ تفرح صديـق .. و تجـرح العـدوان
    و لك منا رجال تعـد .. مـوتٍ دونـك انصافـي
    تعلمنا المراجـل منـك .. لـك بالمرجلـة ننـدان
    و لا نلحق معك .. ما يلحق الإعصار مـع سافـي
    كملت إلا أن عذروبك بشر .. و عن البشر شتـان
    تطيح و تمتـرض .. ليتـك مخلـد دوم متعافـي
    سبقني للقصايد فيك .. من روس العـرب اخـوان
    و لي بين الشموس .. سراج .. خوفي كيف ينشافي
    و إذا كلٍ سبقني مدح .. اسمح لي بوصف انسـان
    حنونٍ في ضلوعه .. قلب طفل .. بحـس شفافـي
    تقل شمسٍ إلى من .. بان بسمه يرجـح الميـزان
    و كل الخلق عقب الشيخ .. سرج بعضهـا طافـي
    ألا يا أميرنـا .. هـنّ بسلامـة حالـك الخـلان
    فلا قبلـك مريـض .. يهنـي الـزوار و اللافـي
    سِلِم .. من يوجع اقدامه .. و لا توجعه في ميـدان
    سلم .. من له دعينا الله .. رد الشيـخ يـا شافـي
    سلم .. من نار عينه تمن أهل الدار .. و الجيران
    سلم .. من ضحكته تودع مريـضٍ ميـسٍ شافـي
    سلم .. من طوّع الشمس الشرود .. و عنها بعنان
    تعلـق فـي معارفهـا .. و يمـم راس مشرافـي
    إلى قالوا مريض قل .. مريض اللي فقـد سلطـان
    و إلى قالوا بعيـدٍ قـل .. قريـب الهـمّ لسنافـي
    نخيت الشعر .. أوصف وش تحس الناس لكحيلان
    و إذا خان الشعر شاعر .. عسى يكون الغلا كافي



    أنا هواي و بس بنت الجزيرة



    يابن الحلال ان طعتني خل الاسـراف
    واترك جمال الغيد لاهـل البصيـره
    الزين موبس في الملامح والاوصاف
    الزين روح وعفـه وطيـب سيـره
    مانيب من يهوى سريـا وانصـاف
    انا هـواي وبـس بنـت الجزيـره
    بنت الخليج اللي تماري بالاعـراف
    وحنا نمـاري باسمهـا كـل ديـره
    مالي غرام بقـول وخـا وبالـزاف
    اذبحتني عنـد الطرحـه المستديـره
    احب قولة ياهـلا وعـل وماخـلاف
    من بنت ثوبي بنت الارض النضيـره
    اللي تحلاها الظبي حلـو الاطـراف
    جمـال فـي عفـه ورقـه وغيـره
    واللي بها سحر مهو سحـر عـراف
    ياعـل عيـن ماتراهـا ضـريـره
    عطف وحنان وذوق في لين الاعطاف
    والى كشفت لثامهـا شفـت أميـره
    صعب على اللي بالردي شاف ماعاف
    وحلوه علىاللي سنـه الله ضميـره
    شمس الى من اشرقت والدجا طـاف
    غابت نجومك غصب لو هي كثيـره
    السيف مايزهى سوى كـف سيـاف
    والخيـل دون حصانهـا مستخيـره
    بس أنت دورلك على قـدك لحـاف
    وان طعتنـي دور بدلنـا عشـيـره




    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  6. #6


    إنت الشفا



    هلا بك .. هي هلا اللّي قالها الصايم ليـوم العيـد
    هلا بك .. هي هلا اللّـي قالهـا للغيـث هالـوادي
    هلا بك .. هي هلا اللّـي قالهـا يعقـوب بالتنهيـد
    ليوسف يوم عاد..و عاد شوفه.. و أنكـف الغـادي
    هلا بك .. كثر ما أمّنت خايف .. أو رعبـت مكيـد
    هلا بك يـا عـدو همومنـا .. وهـلال الأعيـادي
    تصاغرت الهلا .. من كبر قدرك .. و اعذر الترديـد
    لأنك شامخ مثل الجبـل .. لـه بالصـدى حـادي
    حسدت الشعر .. يوم إنه طليق لك .. و أنا في قيـد
    وجبته يوم جاك .. و شفـت فيـه مـراة حسـادي
    مهوب إنت المريض .. إنت الشفا .. يا قريّبٍ و بعيد
    وانا أقول المريض اللـي .. فقـد طلّتـك فبـلادي
    سلمت إنت .. و سلمنا من سلاماتك عـن التنكيـد
    أهنّيك .. أو أهنّي الناس .. أو نفسي و أنا البـادي
    يابو كل اليتامـى و الضعـوف و معسـر ومريـد
    غديت الشمـس وقلـوب الخلايـق زهـر عبّـادي
    عليك نخاف منك .. إلى رقدنا و إنت فـي تسهيـد
    تقل من كثر حب الخير .. صـرت لنفسـك معـادي
    تطلّبك المرض نفسك .. و قلت أبشـر بـلا تحديـد
    فـلا والله أرد اللـي طلبنـي .. لـو يـبـي زادي
    هذاك إنت الضليل الضافـي الوافـي منـاة الغيـد
    هـذاك إنـت الكبيـر المنـور المنثـور بالكـادي
    هذاك إنت الأصيل الماجـد الناجـد سليـل الصيـد
    هذاك إنـت الرفيـع المشـرق البـراق والهـادي
    هذاك إنت الوفي العـارف الـوارف ربيـع البيـد
    هذاك إنت العظيم الشامخ اللّـي فـوق الأشهـادي
    هلا بك .. و القدر بالصدر .. لا عجز القصيد يصيد
    قصيدٍ لا درى إنّه فيـك .. سمـى شـارده عـادي






    يا صغيّر ما يكبرني لقب



    يـا صغيّـر مـا يكبرنـي لقـب"
    " وما يصغرني إذا انكرني صغيـر
    ما خذينا الصيت من جمع الذهـب"
    " ولا نسابة شيخ او قربـة وزيـر
    كاسبينه من هل السيـف الحـدب"
    " الجنايز كان مـا جـاك النذيـر
    صيتهم نجم ٍ على رأسـه لهـب"
    " سمعوا الصقهان به واجهر ضرير
    بالوفا تاريـخ أبيـض ينتصـب"
    " لا حكوا بالحق حييـن الضميـر
    ضيغميـن للسناعيـس انتسـب"
    " لابةٍ طلنـا بهـا عـرش كبيـر
    عند حدك يا كثيـر الهـرج تـب"
    " لا تمـر النـار وثيابـك حريـر
    كـان لـك عـز بذلـي فتعقـب"
    " والله ألا تبطـي وحبلـك قصيـر
    احسبنـك مـن صناديـد العـرب"
    " واثر ساترتك عباتك يا iiغريـر
    ما حسب للسوس زراع القصـب"
    " والقراده ما درى عنهـا البعيـر
    ولو حسبنـا للحسايـف والتعـب"
    " ما بذرنا يا العصافيـر الشعيـر
    عن هللـك ابـراي لله واحتسـب"
    " الرجال اللـي مجاراهـم عسيـر
    من قريش المصطفى وابو لهـب"
    " والدغالب ما غشت عذب الغديـر
    للرجال مـن الرجاجيـل العتـب"
    " والزكاة تحل فـي حـال الفقيـر
    لعنبـو وقـتٍ غدينابـه حطـب"
    " تحرقـه نـار يثورهـا اجـيـر
    ما ألومك والزمن سـوى العجـب"
    " هو بقى غير الكرامـه بالجفيـر
    مـا أذل وراسـي يشـم المهـب"
    " لو بقى من شمـر طفـلٍ غريـر
    ما اهـاب ولا يزلزلنـي غضـب"
    " الشجاعـه ورث العاقـل عزيـر
    يـا صغيـر مـا يكبّـر باللقلـب"
    " غير من هو كان من دونه صغير






    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  7. #7




    " أمـــس "




    لحّفت وجه الشمس بلحاف الغروب
    وكانت وصاة الشمس للعاشق ذنوب
    إسهر
    وقبل الصبح.. قوّمني
    إقفل شبابيك السما بلجام
    وإرخ الستاير
    دام يجهرني الظلام
    ويزعجني الغروب
    وإلين أقوم
    إنشر على حبال النجوم
    هموم
    إجرح قلوب
    وإدمح لعوب
    وإحذر تتوب
    تلبس على وجهك شحوب
    عقب الغروب
    وفـ الصبح..
    أفوّقها وتفوق
    شالٍ ألبّسها الشروق
    وأنفض شليل الشمس
    عن غبار أمس
    وأغسل محيّاها بدموعٍ
    من دموع البارحه
    كان الوعد صبح
    وكان الوعيد غروب
    وبالنسبه لي
    كنت الوحيد اللي قضى عمره
    هروب من الهروب
    وكنت الوحيد اللي يحب
    وكنت الوحيد اللي تِعب
    واللي لِعب؟
    حبيبتي.. لعبت بساعة يد الشمس
    عقب الغروب
    حبيبتي
    ما دمتي شمسٍ.. وأنا أمس
    وشلون بتجيني
    ووشلون تنسيني
    دامك عليه وأنا داك
    وشلون أبنساك
    حبيبتي.. أنا أكرهك.. وأهواك
    وإذا هجرتيني
    ونويتي تنسيني
    بحزّم جراحي وأرحل
    عن طرفك الأكحل
    ولو ما نسيت
    أكيد.. لا من رحل فيني التراب
    بأنسى غصب
    عقب الغروب
    كانت وصاة الشمس
    تكفير الذنوب



    " مرثيــة 15 مريول أزرق



    هذا الشهر مر
    هذا الشهر مر
    بالحزن والدمع والامر
    خمس طعشر شمس وغابت
    وكسف خمس طعشر قمر
    بالله من يقدر يقول ؟
    من ترى المسئول ؟
    موظف أهل بالامارة غنه ما صان
    العمارة !
    أرجوك لا تفهم خطأ
    مهم تقدر المشاعر
    لا يزيدوا القتلى واحد
    خمس طعشر بنت .. وشاعر
    من يا ترى المسئول
    الدفاع البدني ؟!!
    الدفاع البندي يمكن
    كان ممكن
    انقذوا ما كان أمكن
    لو شعور الرحمة والواجب تمكن
    ويمكن النار السبب
    أو يمكن الشاي ؟
    أو يمكن إبليس !!
    أو يمكن الهيئه خطأ
    أقصد هيئة التدريس
    من يا ترى المسئول
    الرئاسة العامة لتعديم البنات
    ما فات فات
    والباقي أكثر يا خوات
    مؤتمر صحفي وبوفيه وهدايا قيمات
    قرر الريس يحل المشكلات
    راح نصرف في السنين القادمه
    مع الكتب .. كفن الحياة
    بس إاذا نبغاها تغلق اقترح هدية تلبق
    علقوا في مكتب الشيخ الرئيس
    منظر طبيعي
    خمس طعش مريول أزرق
    أصبح بالدم تغرق
    واكتبوا على كل مريول
    من يا ترى المسئول
    من يعزيني بخواتي ؟
    من يعزيني بناتي ؟
    من يواسيني على فقد أمهاتي ؟
    قام واحد باخر المجلس وقال
    صغار كانوا يا طلال
    يا سيدي هذي البلد والله ما فيها
    صغار
    حنا حتى في المهد نولد كبار
    خمس طعشر أمم ثكلى
    خمس طعش أبو حزين
    الجاني مثل الطير حرّ!!
    والمجني على حلمه سجين




    بـاريـس ..
    واحد خايب..حظه تعيس
    سافر تقسيط لـ باريس
    كذب على ام العيال
    رايح ادور عمال
    جمع الورث
    حصاد الحرث
    وقبل يسافر ياساده
    سجل في نادي كالعاده
    يسوي برنامج تخسيس
    قام يدور شنطه تكفي
    وكل هدومه قبل يصفي
    عشره فنايل علاقي
    وشورت وشراب ماقيس
    قالت ام عياله تكفى
    خذ لك لبس شوي يدفي
    قال فـ باله مسكينه
    والله قدامي اللي يدفي
    قام يودعها وقالت له
    خذ بالك يانور عيوني
    وتعوذ دوم من ابليس
    قال فـ باله يامسكينه
    ومن عازمني غيره!
    ناطرني ابليس فـ باريس

    حكوا فيها
    خذَوْ في طاري الحلوه و جابوا
    مسيكينه
    بسيرتها تنابوا
    و ذي صدق لشفاهي أبد ماهو قريب
    بشر يا مصعب ارضاهم
    و انا ماني حسيب
    أنا سايق عليك الله لجل الله يا شامت
    خلي الشوك من يدّك
    و لا تطرف عيوني كحلت بالزين
    لانام .. انا افداها اذا ودّك
    يا هل ترى انتي وين يا بنت الشفاة؟
    انا ادوّر عليك بصورتك
    وينك ؟؟
    أنا كني لمست رداك و ايدينك
    ما شفتك بكلّ الكلام
    شفتك على سجادتك
    كنك تصلين القيام
    و ليلك سرى بعبادتك
    ما اصدقه ..
    و الهرج ابد ما هو دليل
    ما اصدقه ..
    يعلّ يفداك الذليل
    الله يستر خوافيها
    اللي حكو فيها





    &&احساسي غريب&
    الـلـيله احـسـاسي iiغـريـب
    عـاشـق وانــا مـالي حـبيب
    حـبيت ... كـل الـناس iiلاموني
    حـبيت ... كـل احبابي iiباعوني
    قـلـت احـب الـحب iiاحـسن
    قـلـت احـب الـحب iiاضـمن
    لا احــــن .. ولا اتــــوه
    ولا بـعـد فــي يـوم احـزن
    رضـيـت بـاقداري iiونـصيبي
    صــرت مـحـبوب iiالـحبايب
    وصــار كـل عـاشق iiحـبيبي
    الــلــيـلـه iiغـــيـــر
    شـــعــوري iiغـــيــر
    اشـــواقـــي iiغـــيــر
    حــتـى الاغــانـي iiغـيـر
    صدري سما .. واحساسي ... طير
    بـــس طـيـفك iiمـاتـركني
    ظــل سـاكـن تـحت iiجـفني
    كــــــان iiوافــــــي
    كــان يـذكر .. وانـت iiجـافي
    انــــــت ويـــنــك ii؟
    كـان هـذا الـفرق مابيني iiوبينك
    جـيـتـني تـشـكي iiالـزمـن
    وجـيـتـك أبـــي iiأدفـــى
    لـقـيت فــي قـلـبي وطـن
    ولـقـيـت بـــك مـنـفـى


    أوعــدك


    أوعدك
    إن كان بعدي يسعدك
    الليله أرحل
    من الليله باختار الطريق
    من الليله الليل الرفيق
    و أوعدك
    ما أعاتب أو ألوم .. إلا نفسي
    و ما دام في قلبٍ معك
    أوعدك
    حبيبتي يا ليت
    ما قولك يا ليت
    و ما قد تمنيت و شكيت
    حبيبتي ويلي
    لا من غدى جسري
    أنا لنسيانك انتي ذكريات
    حبيبتي
    ما أصعبه نسيان ذاتي
    و إلا أقوم .. أوعدك
    سريت
    عن الليل اللي فـ عيونك
    عن بلادك سريت
    و أوعدك
    إني أقول إني نسيت
    بس أوعديني
    لا زارني طيفك و أنا وحدي
    إني ما أبكي
    و أنك في قلبي تموتي
    و أنك على عيوني تفوتي
    و ما أعرفك
    و أوعدك
    إني من الليلة أموت
    من يوم أقوم ..
    أوعدك
    أوعدك



    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  8. #8



    " قالوا انك عشقت الخيل "
    أكن أعتقد في حبرٍ من الأحبار أنني سأكتب قصيدة عن الخيل..
    لأنني وبكل بساطة كنت ولا زلت أرى أن وصفها في القرآن الكريم هو أسمى وأجلّ وصفٍ لها..
    ولأن في تمختر العاديات ما يستثير المشاعر فقد سوّل لي الجمال أن أصف الشعر بالخيل..
    والخيل بالشعر، معتقداً أنني بلّغت. وأنا في الحقيقة محتاج لأن أبلّغ. هذه القصيدة للخيل والهيل وعاشقها أحمد بن سلمان..



    الولع شين.. يا راع الولـع لا تكـود
    روحك اللّي تقـود المجـد.. ويقودهـا
    ما تخيّرت.. حب الخيل.. ورث الجدود
    حـيّ ورثٍ يـرد النفـس لجدودهـا
    ما تقـل قبلـك العليـا عليهـا ورود
    وما تقل عقبك البيضى على حدودهـا
    قالوا إنك عشقت الخيل والخيـل خـود
    عشقهـا يستبيـح الـروح ويكودهـا
    مهرتك في تعجرفها تحـدى الحسـود
    لوله ألفين عيـنٍ مـا حـوى زودهـا
    لـو يفـرّق حلاهـا للغوانـي يـزود
    يرهي الما.. على كل الدلـي جودهـا
    فلوة الشمس ترفه.. وين عنها الصدود
    حـي ماهـا ومجناهـا.. ومولودهـا
    سرجها الريح ويديها سراسيـب نـود
    ونـار قـرمٍ معارفهـا مـن وقودهـا
    وخصرها للغواني.. مثل خصر العنـود
    وجيدها جيـد جـادل.. ليّـنٍ عودهـا
    سندريلا العـوادي.. مالهـا بالوجـود
    كفو.. إلا أنـت سيّدهـا ومحسودهـا
    كنها مـن غلاهـا بالمحانـي تـرود
    تصطفق في ضلوعٍ.. تبـرق رعودهـا
    كن عينك لها سِيْدَه.. ورمشك حشـود
    لا انثنت شفـت قلبـك زمّ بعضودهـا
    منوة اللّي يبي طرد السهـل والنفـود
    فـارسٍ تحتميـه النـاس ويـذودهـا
    ركضها.. واذكر الله.. ركض ريمٍ شرود
    مخطرٍ من حوافرها.. علـى خدودهـا
    كنّها تـدري إنـك فـي هواهـا ودود
    فلوةٍ تقـل طفلـه.. حلـو جحودهـا
    اذكر الله عليها عن عيـون الحسـود
    من حدود البياض.. لمنتهـى سودهـا



    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  9. #9


    ( طلال الرشيد )
    قصيدة ليست وليدة الساعة
    فقد كانت البداية حينما ظهر الملتاع رحمه الله
    يلقي بعض قصائده في محطة فواصل الفضائية أثناء البث التجريبي لها
    فكان هذا النزف على لسانه رحمه الله
    هاهي القصيدة أضعها بين أيديكم
    كل ما أتمناه أن ترتقي لذائقتكم وأن تنال إعجابكم
    ثم بعد هذا دعواتكم للأمير الراحل أبو نواف رحمه الله تعالى :


    حــــــــــايــــــل عسى حايل بخير




    أنـا طـلال بـن الرشـيـد
    جيت أنثر حروف القصيد ...
    وأجـاوب السمـراء النشيـد
    و شلونكـم يــا عـزوتـي
    حايل عسـى حايـل بخيـر
    دار الكـرم قـدره كبيـر ...
    فـي حبهـا أنـا الأسـيـر
    بنـت الجبـل هـي سلوتـي
    عامـيـن والثـالـث بــدأ
    من غبت عن أرض الهدى ...
    وش صار عقبـي وش بـدا
    علـى بــلادي وأسـرتـي
    عموش و يـش أحوالهـا ؟
    النـوم مـا يهنـى لهـا ...
    دمـعـه يبـلّـل شـالـهـا
    لا طالعـت فـي صـورتـي
    ياعزوتـي عمـري قـضـى
    ونواف في دربي مضـى ...
    صغيـر وبقلـبـه لـضـى
    الشـور ينـفـع مهجـتـي
    عاداتكـم يـأهـل السّـطَـر
    حـر لا مـنـه شـهـر ...
    مــا تتركـونـه للخـطـر
    نـواااف عــزّه عـزّتـي
    ودعـت فـي عشـي حـرار
    إصغار بالشيمـة كبـار ...
    يبـون مـن عقبـي قـرار
    بيـن الطنـايـا فزعـتـي
    وأنـا طــلال الضيغـمـي
    أميـر لـكـن آدمــي ...
    أفـزع لمـن جـاء يحتمـي
    فينـي وتظـهـر نخـوتـي
    وختامهـا يـأهـل الـكـرم
    من مـرّ طيبـة والحـرم ...
    يدعـي لطـلال المحتـرم .
    مــن فضلـكـم أحبـتـي





    مرثية كتبها طلال الرشيد
    بخاله ممدوح البندر السبهان ويتذكر جدّته عفراء رحمهم الله ..



    تعلّمت النواح اليوم ليـن أبكيـت صـوت النـوح
    وعرفت اليوم ليه الله خلق لـي دمعـي الصافـي
    عشان أبكي وأنـوح اواه لامنـه طـرى ممـدوح
    الا ويـلاه واويـلاه واعظـم ويـلـي الخـافـي
    على ممدوح دمعـي دم خالـي والعيـون جـروح
    رحـل عنـي حبيـب النـاس لازعـلٍ ولا جافـي
    عقب منكف حصان الشيخ مدبـح والعنـان يلـوح
    عليه المعرقـه تومـي جفيـر السيـف متهافـي
    تلفّت ونشدت .. العلم؟ من جاب الخبـر بوضـوح
    وقيـل العلـم يامسكيـن غـزو الشيـخ بنكافـي
    ترى غازي الزمـان اكتـف لاخايـف ولامذبـوح
    ولكـن لـه بلـوغ كتـاب يالله تجعلـه وافــي
    نثرت الدلّة الصفرى فـلا لـي بالكـرم مصلـوح
    كسـرت الرمـح دون السيـف ياخـلاّف ياكافـي
    أنا والله لـولا الله وأخشـى مـن خفـي البـوح
    حضنتـك ميّـت وأقفيـت كـود تعـود متعافـي
    قطعت يدينـي الثنتيـن يـومٍ شالتـك فـي لـوح
    ويـوم تدفنـك بتـراب وتنفـض باقـي السافـي
    على الصقار ياصعبـه فـراق الأشقـر الدابـوح
    يعيـن الله أبـو ممـدوح الامـن صـد لخلافـي
    أنا خالي نهار ونار شمس تخجـل أهـل الضـوح
    وبعض الخلق عقب الشيخ سرج وبعضهـا طافـي
    له قلب بياضه قطن أوسـع مـن فضـاة الـدوح
    مريـض تقبـل بهمّـك وتنكـف ضاحـك شافـي
    خوالي بينهم والناس من طيـب المكـارم شـوح
    حـرار يقـرب الطلـع البعيـد ومحـزم ضافـي
    بقالي من حليـب أمـي لهـم دم يجـي ويـروح
    اطيـب بطيبهـم غصـبٍ أقلـد شيمـة اسلافـي
    وإذا حنّا بكينـا ولـف موضـي تفتخـر وتـدوح
    يخو موضي فخرها إنت وإنـت ستارهـا الوافـي
    وأنا قبلك دفنت أمي ومعهـا قـد دفنـت الـروح
    عقب ( عفرا) عقب ( ممدوح) صرت العاري الحافي
    أنا فـي حايـل أحبابـي قبـورٍ علمتنـي النـوح
    انا منها عرفت إشله خلـق لـي دمعـي الصافـي



    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

  10. #10



    ردية بين طلال الرشيد وفهد المساعد

    صديق الطفولة وش جرى لك مع الايام
    هي انصفت دنياك ولا انت بك مثلي
    فقدنا ملامحنا مثل ساير الانــــــــــــام
    عبث بنا جور الزمن والزمن يبلـــي
    وقفنا جميع وبيننا حاجز الاعــــــــوام
    صعيب وصولي لك وصلــــــــــي
    وانا اشوف في وجهك طريقٍ غشاه عتام
    وذاك النخيل واشوف دارك ودار اهلي
    وسدرةٍ هي اكرم من اهل بيتها اللـــــوام
    وفي وجهك اصحابي عصى مدرسي وفصلي
    وعودٍ كبير ودايم فالظلال ينـــــــــــــــام
    في ذكرياتي له بعد ملمح وجلــــــــــــــــي
    وسورٍ كتبنا فيه ذكرى عبث واوهــــا
    ولي في عيونك صورةٍ زانها جهلــــــــــي
    بثوبٍ تبلل بالمطر والتراب وشـــــام
    وانا احب اسير العب وهي حافيةٍ رجلي
    انا وانت طفل وطفل دايم رضا وخصام
    بكانا سهل والضحكة امرٍ بعد سهلـــــي
    دعاني بوجهك نادهٍ ينده الاحــــــــــلام
    معه رمحٍ مدري هو علي غاضبٍ اولجلي
    انا كيف اباصل والامل خلف مو قدام
    كثير الاسى والسهد يامن فعل فعلــــــــــي


    فهد المساعد

    فقيد الرجولة وين حطت بك الاقدام
    انا ماتخيلتك تزور اللحد قبلي
    عقيد الطنايا شيخ شمر ذرى المنضام
    حفيد الجنازة بلوة الي بلا المبلي
    عقيدٍ لقومك بس تبكي عليك اقوام
    من الساحل الشرقي الى الساحل القبلي
    انالاذكرتك طاح راسي على الاكمام
    اسولف لقلبي عنك وابكي على مهلي
    اسولف عن اول مرةٍ جيت قبل العام
    وشفتك بعيني مثل ماكنت في عقلي
    امير وعظيم وشاعر وفارس ومقدام
    سجَِِل البياض اللي بنقش الذهب مطلي
    سنافي شهم فزَاعٍ لا قام يعني قام
    يغيث الضعوف ولا يقول الوبل وبلــي
    طلال الشهامة نكست من عقبك الاعلام
    الا من قتل خيَال وش نفعة الرجلـــــي
    طلال الاوادم كلها من لحم وعظــــــام
    تعيش وتموت بصمت تالي ورى متلــــي
    عداك انت يامن عشت عمرك عظيم اشمام
    وقفت فمماتك تنتخي من نوى قتلي
    رحيلك بنى للحزن وسط القلوب خيام
    ووداعك جعل كف الثرى بالدمع مملي
    عسى من لبست لخشيته فرمضان احرام
    ودعيته (يارب اكرم نهار الحشر نزلي)
    يعوضك عن دنيا بها حاسد ونمـــــــام
    ويرفع مقامك عن مقام البرى السفلــــي



    .

    /


    أستودعـكم الله التـي لا تضيع ودائعـه .. يحفظكم حافظ السموات والأرض

    وداعاً أحبتـي

صفحة 1 من 4 1 2 3 4 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. ▒▓█▓▒ [ منار القصيمي تـُـجالس وتـُـحادث ] ▒▓█▓▒
    بواسطة هند القاضي في المنتدى المضيف الإعلامي
    مشاركات: 11
    آخر مشاركة: 01-12-2008, 01:46
  2. ▒░░:: أرفع رأسك أنت سعودي▒░░::
    بواسطة مجد في المنتدى مضيف التصاميم
    مشاركات: 20
    آخر مشاركة: 10-05-2006, 03:34
  3. ░▒▓██ الوباء ██▓▒░░
    بواسطة المشرف العام في المنتدى المضيف العام
    مشاركات: 30
    آخر مشاركة: 22-01-2006, 15:06
  4. اخر قصيده كتبها الراحل طلال الرشيد(باريس)
    بواسطة احبه حيل في المنتدى مضيف الأمير الشاعر طلال الرشيد(رحمه الله)
    مشاركات: 5
    آخر مشاركة: 23-12-2003, 20:17
  5. يا زمان البيت الابيض... بصوت الراحل طلال الرشيد
    بواسطة عاشق الندى في المنتدى مضيف الأمير الشاعر طلال الرشيد(رحمه الله)
    مشاركات: 1
    آخر مشاركة: 08-12-2003, 03:05

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع ما يطرح بالمضايف يعبر عن وجهة نظر صاحبه وعلى مسؤوليته ولا يعبر بالضرورة عن رأي رسمي لإدارة شبكة شمر أو مضايفها
تحذير : استنادا لنظام مكافحة الجرائم المعلوماتية بالمملكة العربية السعودية, يجرم كل من يحاول العبث بأي طريقة كانت في هذا الموقع أو محتوياته