مريت دارٍ للمحبين

[أبو روز]

السلام عليكم ورحمة الله وبركاته

سامرية روعة


[poem=font="AL-Mateen,5,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/10.gif" border="none,4," type=0 line=0 align=center use=ex num="0,black""]
مريت دارٍ للمحبين مقفول = وجابتني القدرة على حد بابه
ونشدت جيرانه عسى البيت منزول = قالوا حبيبك راح لا وا سفابه
له مدةٍ بالسوق ما شيف له زول = وبابه عليه من السوافي ترابه
وهلت دموع العين والقلب مشغول = وعند الفراق اللي حصل في غيابه
واقفيت واللي بين الاضلاع مجهول = حبِ درسته غيب ماهو كتابه
أهلاً هلابك ناعس الطرف مكحول = ما دمت أنا حيٍ لحبل الرجابه
[/poem]

[ليلى بنت عبدالعزيز]

ابو روز
حجز اولي هنا
بصراحه قلبت المواجع علي
كان الوالد جعله بالجنه يرددها كثيراا
صح لسان من قالها وتسلم يدين من نقلها

[أبو روز]

حصة

كل الشكر على مرورك والله يرحم شايبك

[وليم اخو هاري]

سامريه رائعه ..

تشكر عليها يابو روز ..

تحياتي ..

[أبو روز]

اخو هاري

مشكور على مرورك الطيب

[راعي الوقيد]

صح لسانك يابو روز

لكن يالعزوة ماتجي دار ومقفول

الظاهر ان بيت السامرية يبدأ بـ

مريت بيت للمحبين مقفول ** وجابتني القدرة على حد بابه

وغيرك المعلّم

وانت سالم وغانم

لك التحية والتقدير

[أبو روز]

راعي الوقيد

كل الشكر على مرورك يا الغالي وانا بصراحه حافظه مبطي مريت دار للمحبين وسمعن ناس يقول مريت بيت للمحبين
وأنت أعلم

لا هنت على مرورك يا الغالي