شموخ الاصايل

**طاغي الشوق** · 22-10-2012 00:04

[read]

يابنت انا راعي الوفا طاغي الشوق
صميدعي مـن صفوة اعيال وايل

رقيت راس المجد في قمته فوق
عندي على هرجي شهود ودلايل

اَطـرب اذا لج الـسماء لمعة بروق
يتوق فكري به واشد الرحايل

اسري مـع الهاجس الي لحظة شروق
وارد شوقي ورى جبال حايل

لحظة هناي ومـنـيتي شوف مخلوق
بلسم دوى روحي شموخ الاصايل

لها الغلا يجري مع النبض بعروق
وسط الدماء بين الشرايين سايل

غنئ لها شوق الغلا بكل معلوق
وتطرب لها حدب الضلوع النحايل

الشوق طاغي والقدم صابها عوق
ودموع عيني فوق خدي هماليل

الهم يامحمد برى الروح من فوق
والحزن سوى يابن وايل عمايل

اوقد لهيب البعد بااشواق مشفوق
شوق الغلا يشعل بروحي شعايل

على هجير البعد والبرد ياشوق
عزفت لك شوقي وفاء يااَصايل
....
اشعار
طاغي الشوق

[/read]

**سالم الظفيري** · 22-10-2012 02:55

صح لسانك اخوي طاغي

قصيدة جزلة من جزل

لاهنت

لك تحياتي

**الشبث** · 22-10-2012 10:40

صححح لسااانك وعلى شاانك

جزله من شاعر جزل

لاااهنت يالغالي

وتقلد تحيتي

**عبدالله الجعيثن** · 22-10-2012 11:43

اسري مـع الهاجس الي لحظة شروق
وارد شوقي من ورى جبال حايل

روعه

وصح لسااانك يالوايلي

**الساطع** · 22-10-2012 15:30

احسنت يا عبدالله الجعيثن .. تحاكي أفكاري دائمـــاً . طاغي الشوق اطربتنا بحق ، رائعـــة ولا شك أنها من رائــــــــع ننتظر جديدك ،،،،،،،،،

**قاسم الخالدي** · 30-10-2012 13:06

صح لسانك

بحق قصيدة رائعة

تمنياتي لك بالتوفيق

وفقك الله

تقبل تحياتي

**هايس الشمري** · 02-11-2012 02:25

صح لسانك اخي طاغي الشووق

حضور رائع

اسري مـع الهاجس الي لحظة شروق
وارد شوقي من ورى جبال حايل

استاذي عبدالله الحعيثن، كذلك اعتقد هناك خلط بين بحرين هنا، الهجيني و المسحوب

فالشطر الاول هجيني و الثاني مسحوب

الشوق طاغي والقدم صابها عوق
ودموع عيني فوق خدي هماليل

و هنا اللام زائدة

كل الشكر