قالت: سلام
قالت: سلام.. وعاد جرحن له أعوام
وعجزت تشيلن يوم شفته عظامي
ليتن لهاك الدرب ماسقت الأقدام
وليتن سلمت من اللقاء والسلامي
يبو عيونـن سهمها بالهوى ســام
وأبـو شفـاتـن حارسـه باللـثـامي
حكمت بي حكمن غلب حكم الإعدام
وإنت الحكم وإنت الخصم والمحامي
وغدرت بي غدر العروبه بصدام
من عقـب ماهو درعها والحزامي
وخليت صدري للزمن ساحة إجرام
وهان الوفا عندك.. وهان الغرامي
والحين جاي تقول: بي شوق وهيام
بدري علييييك الشوق يبو الهيامي
نجمي يماني وإنت نجمك من الشام
وش يجمع النجـم اليماني بشامي
وأما على ذكـراك مع مـر الأيـام
لو قلت: ناسي .. ماتصدق كلامي
صوتك ليا سولفت به مسك وأنغام
وإسـمك يرد الروح بين الأسـامي
حاولت أميـل قلبي لغيرك وشـام
شومة عزيزن من زمانه مضامي
إليا طلب في حاجـتـن قال:قـدام
ويصبر على كثـر الأذى والملامي
وإليا بغى له حاجتن ساق الأقدام
ولاتـنفـعـه حتى عيـال العمـامـي
قصرن بقلبي بعدك.. ركام وحطام
ومن عـزتي لك قمت إعـز الحطامي
ما أنساك لو ينسى شعب مصر الأهرام
ولو يتركون المسلمين الصيامي
ولا يتوب إبليس عن كسب الآثـام
ولا يـزكـون القـضـاة الحـرامـي
رد مع اقتباس
المشاركة الأصلية كتبت بواسطة عبدالله الجعيثن
المفضلات